連周杰倫都曾經慕名包場入住營區，到底有咩咁吸引？不如一齊睇下「暉哥」林映暉同「樂天女孩」Kimi張雅涵，喺旅遊節目《自然系女子旅行》入面嘅介紹啦！
連周杰倫都曾經慕名包場入住嘅營區。兩位換上泳裝試試個古泉。
呢個位於苗栗縣泰安鄉嘅營區，周圍被群山包圍，而佢最吸引嘅地方，就係營內嘅千年古泉，而營區有三種房可供選擇，全部以人頭收費兼包兩餐。Kimi佢哋先去頂級嘅W套房參觀，入面有私人嘅大風呂，不過去得露營當然要貼地少少住下帳篷，所以佢兩個就揀咗入住帳篷湯屋，呢個湯屋嘅特點就係帳篷入面都有私人風呂。而收費最平嘅屋式帳篷，入住連兩餐大概需要1,295 港幣左右。
佢哋揀咗住湯屋。營區內設有戶外溫泉區。
嚟到呢個營區當然要親身感受下個古泉啦！所以 Kimi 同暉哥就換上三點式泳裝，享受下呢個被群山圍繞嘅戶外古泉。入夜之後暉哥又重施之前令林襄𣊬間溶化嘅燒棉花糖故技，Kimi 一試被亦即成棉花糖俘虜，二人食住棉花糖嚟睇煙花，相當享受呀！

《自然系女子旅行》逢星期一至五 22:30 J2
營區內設有射箭設施。營區內可以DIY Pizza。兩人喺營區內元煙花。Kimi成燒棉花糖嘅俘虜。

J2今年初推出台灣旅行節目《自然系女子旅行》深受觀眾喜愛，主持們許願希望衝出台灣，呢次終於願望成真，張雅涵同「暉哥」林映暉呢日現身台灣機場，準備前往日本富山縣取景。

二人經歷上次合作，建立深厚友誼且默契十足，張雅涵首次接拍海外旅遊節目，得知此事有啲緊張，幸好有暉哥做拍檔，頓時覺得好安心，暉哥今次用心計劃行程表，準備成箱行李都係「性感戰衣」！