鍾嘉欣公佈孻女中文名曬出正面近照超可愛

鍾嘉欣舊年突然被網民斥佢人前人後兩個樣，仲被冠上「黑面」嘅污名，雖然鍾嘉欣未有就事件回應，但就另有網民已經為佢平反，仲話試過喺溫哥華行街嘅時撞過對方，當時鍾嘉欣都有禮貌咁笑住say hi。
鍾嘉欣公佈孻女中文名為「梁紫琳」。
雖然咁多是非，但仍無損鍾嘉欣嘅心情，呢日佢就趁住孻女Anika 3個月大，曬出囡囡嘅正面近照，兼公開囡囡嘅中文名「梁紫琳」呀！着上粉紅色兔仔裝嘅紫琳，眼仔碌碌咁望住鏡頭，另一張相就係佢笑到對眼變成彎月咁，相當可愛呀！
紫琳BB扮成兔仔同大家拜年。
而鍾嘉欣就代囡囡紫琳祝大家：「兔年快樂！兔年健康！兔年平安！兔年吉祥！」