張艾嘉早前第3度奪得金馬影后，呢日佢現身香港鬧市街頭，聯同周漢寧、新晉導演曾憲寧及監製陳心遙為電影宣傳造勢，喺即將拆卸嘅霓虹燈下拍照留影，張姐覺得好特別：「呢啲霓虹燈陪伴我幾廿年，雖然我冇行入去過，我都睇住香港好多好靚嘅霓虹燈，一路存在，直至到而家慢慢消失，剩番幾個！」

周漢寧亦惋惜霓虹燈牌日漸消失，拍攝時都有聽上一輩對於霓虹燈嘅回憶，以前通訊冇咁方便，當年嘅人通常會約喺一個指定燈牌附近等對方，而張姐同周漢寧今次為咗呢齣電影，學習製作霓虹燈，對呢門工藝加深了解，張姐表示香港曾經係全世界最多霓虹燈嘅地方，每一個霓虹燈係經過畫圖，再搵幾個師傅趕工，呢門藝術唔係咁簡單。

周漢寧同麗英為主演嘅電影合唱插曲《網騙》，首歌仲要係導演黃浩然親自填寫廣東話歌詞。第二次為黃浩然作品獻唱電影歌曲嘅周漢寧，講到今次同麗英嘅合作，佢話：「我和麗英在演出上曾多次合作，發展感情線卻是破題兒第一遭！今次也是我首次發表合唱歌，能夠和好朋友麗英合唱，當然開心！有成就解鎖的感覺。」而麗英就話自己同周漢寧喺電影入面好似「神交」一樣，至於講到佢哋喺MV入面聞歌起舞嘅畫面，麗英話完全自發㗎！

周漢寧及麗英為電影合唱插曲《網騙》。周漢寧同麗英喺新片《全個世界都有電話》演網戀情侶。周漢寧同麗英喺新片《全個世界都有電話》演網戀情侶。
早前電影入圍第25屆烏甸尼遠東電影節，而導演黃浩然喺當地出席電影全球首映時，就透露下月22號將會為電影舉行「試映場＋音樂會」，屆時觀眾看喺戲院觀賞電影後，再到九展Star Hall欣賞音樂會。而電影配樂歌曲原唱者，包括周國賢、mansonvibes、周漢寧、鄧麗英（麗英@小薯茄）、顏培珊、KINKI盧芷韻、樂隊組合雞蛋蒸肉餅、Harbor Homme，及台灣音樂單位秦旭章、守夜人、靈魂沙發、溫室雜草，將會嚟到音樂會現場，為觀眾演繹電影中嘅歌曲。
佢哋錄音時邊合唱邊跳舞。