劉美君近年離開香港，移民到美國，閒時以湊孫為樂，今日劉美君忽然喺社交平台貼出身在醫院嘅照片，原來佢滑雪發生事故，其右腳脛骨骨折，嚴重到要做手術在腿骨上釘，用骨釘及骨髓內釘把破裂骨頭固定住，再等其慢慢康復，睇嚟傷勢不輕。
劉美君表示手術成功，笑言醫生好靚仔，佢稱有一個骨釘及骨髓內釘來永遠固定脛骨，更發誓唔再喺暴風雪中爬上斜坡，希望大家別太擔心，目前佢留院有好好嘅照顧，謝安琪、AGA、Gin Lee、林德信及蕭唯展等圈中人均有留言，希望佢早日康復。
此外，日前劉美君與好友賈思樂前往Lake Tahoe出遊，合照當中見到劉美君舊愛Steve，劉美君於2017年與拍拖8年嘅德日混血男友Steve分手，未知係咪舊情復熾定係再見亦是朋友，不過今次呢個post未見Steve蹤影！？