方力申新歡Maple Yip被爆疑似邪教組織受害者 盛傳曾拍Netflix紀錄片親述入教過程

43歲方力申自從與鄧麗欣分手，有指方力申單身5年，即暗撻氣質素人「Maple Yip」，近日「Maple Yip」疑被發現疑似曾現身Netfilx紀錄片《以神之名：信仰的背叛》，發現Maple Yip疑似係「邪教」信徒，皆因其外貌跟《以神之名》女主角「葉萱」頗相似，「葉萱」喺節目中談及邪教組織，哭訴受害經過，「葉萱」自2018年開始遭教主鄭明析猥褻及性侵。

Netflix《以神之名：信仰的背叛》預告片女主角「葉萱」，以韓國攝理教為主題，前教徒「葉萱」為揭發真相，勇敢接受訪問，唔希望再有更多受害者，佢指攝理教教主每日唸聖經二千遍，對信仰看似忠誠，根據資料顯示，韓國攝理教教主鄭明析曾於2001至2006年性侵四名教友，被判監長達10年，邪教教主鄭明析曾潛逃香港，於西貢豪宅被香港入境處人員拘捕，最後喺中國落網並遣返韓國，鄭明析於2018年2月刑滿出獄。 

其實早在2022年3月，南韓一個反邪教組織曾舉行記招，一名前教徒「Yip Maple Ying Tung Huen」控訴遭攝理教洗腦及性侵；有網民發現疑似方力申新歡Maple Yip社交網中文名字係「映彤」，疑與該名受害人同名同姓。

前教徒「Yip Maple」喺記者會分別以流利韓語聲稱來自香港，於1994年出世，於2011年讀高中嗰陣，感覺生活空虛，喺銅鑼灣被攝理教教徒以問卷方式帶佢入教，其後去韓國追隨宗教，獲得教主鄭明析賞識，被選為高階教徒「明星」，迅速得到教主鄭明析提拔，前往攝理教聖地「月明洞」，擔任中文翻譯，可與教主貼身活動嘅機會，令到其他教徒羨慕。

「Yip Maple」曾為攝理教華人教徒作翻譯，翻譯教主嘅活動直播或影片中文字幕，「Yip Maple」又指高階教徒「明星」不能拍拖、結婚，但與教主有特殊關係，而被揀做「明星」均係年輕貌美嘅女人，「Yip Maple」在教會生活達10年，又指2018年開始遭教主鄭明析猥褻及性侵。

方力申最近忽然傳出新戀情，有指其新歡「Maple Yip」係藝術家，樣貌清純，網上畫廊多為充滿個性嘅素描作品，由於方力申爸爸方毓仁開設畫廊超過40年，方力申自細對收藏畫作感興趣，方力申與疑似新歡有共同興趣，難怪擦出火花，「Maple Yip」本身精通中、英、韓語等，「Maple Yip」擁有兩個社交帳戶，而方力申兩個帳戶都有追蹤，對於緋聞女友Maple Yip被拉到同「邪教」信徒有關，方力申就話等3月5日出席活動先再交代此事，而方力申連日亦有更新IG story，似乎未有受傳聞影響心情。