《歡樂今宵》相聚丨戚美珍廖安麗陳敏兒樂做自信銀髮族 夏雨太太馬慧玲罕有現身

苗僑偉、戚美珍、黃日華、郭鋒、廖安麗、陳法蓉，夏雨、馬慧玲及賈思樂等圈中好友，日前相約與好友連炎輝生日聚會，佢喺網上晒出合照並寫道：「親愛的Alan遲來的生日快樂！」賈思樂早前外遊探望已移居美國嘅劉美君，二人日更一齊去太浩湖(Lake Tahoe)遊玩，未知係咪剛返港時已急不及待見好友《歡樂今宵》（EYT）好友！

相中見陳法蓉保養得宜，外貌跟1989年選港姐時好似冇咩點變，難怪被網民封為「美魔女」，同場仲有戚美珍、廖安麗、陳敏兒及馬慧玲，四人都係80年代《歡樂今宵》經常出沒，戚美珍當年與廖安麗與景黛音更被稱為「EYT三小花」，相中見陳敏兒早已全頭白髮，佢亦冇去染髮，接受歲月嘅痕跡，而戚美珍亦唔介意白髮示人，似乎有一段時間冇染髮打扮。

《歡樂今宵》係永恆經典經典節目，當年夏雨就因為拍《EYT》與太太馬慧玲結緣，馬慧玲為無綫電視前藝員，馬慧玲婚後為咗支持老公嘅演藝事業，馬慧玲喺屋企專心相夫教子，二人婚後育有兩子一女，馬慧玲生活比較低調，難得今次罕有現身朋友聚會；而苗僑偉同戚美珍當年拍《飛越十八層》撻着，其後戚美珍與苗僑偉結婚後一度淡出娛樂圈，婚後誕下一子一女，戚美珍近年已甚少亮相幕前，閒時佢哋相約朋友見面，享受優閒生活。