陳家樂過大禮娶Shiga 禮餅龍鳳鈪擺滿一地

早前宣佈4月24號舉行婚禮成婚嘅 陳家樂 同 連詩雅 ，成為夫妻嘅日子進入一個月倒數。正當忙住各項準備功夫嘅時候，26號佢哋亦正式過大禮，家樂喺幾位朋友著晒紅色波衫夠晒喜慶嘅氣氛之下，拎住多到冇地方擺嘅禮餅同首飾龍鳳鈪，去女家舉行儀式。

之前每次做訪問都非常淡定回應嘅家樂，仲話緊張到瞓唔到覺，而Shiga亦都將嫁喜餅同龍鳳鈪排到靚一靚影相，見多對龍鳳鈪加埋金豬牌同其他首飾，真係氣勢十足呀。

早前開完婚前派對大曬長腿嘅準新娘，仲話就快成為新外母嘅媽咪比自己更為緊張，而佢哋仲話婚前非常忙，要多謝各位兄弟姊妹幫手咁話呀。