myTV SUPER迎來7 周年之際，破天荒跟洛杉磯Wong Fu Productions聯乘之作品《Cross My Mind》即將於4 月16日正式播出。近幾年myTV SUPER不間斷推出原創節目，力求為觀眾帶來更多元化嘅體驗及享受，呢次無懼語言、時間及地域等重重障礙，與Wong Fu Productions團隊攜手帶來眼前一亮嘅首部原創雙語（英語/粵語）劇集。
myTV SUPER自2017年起開始推出原創綜藝節目及劇集，近年不斷進行節目內容與形式嘅創新，今次myTV SUPER原創內容主管林肯希望通過與海外合作嘅方式，製作英語/廣東話雙語劇集，為觀眾提供更多元化觀看體驗。遠在洛杉磯嘅Wong Fu Productions成為myTV SUPER Original首次海外合作對象。
身為Wong Fu Productions創始人之一嘅Wesley Chan 直言 「這是從未想過會發生的事」，即使喺美國長大，TVB節目都係Wesley嘅童年回憶， 佢小時候喺親戚家睇過TVB劇集，更形容「談到亞洲文化，就不得不提TVB」，今次合作務求為觀眾帶來高質嘅娛樂享受。
節目拍攝期間正值疫情之際，令呢場跨國合作難上加難，Wesley坦言曾因而有所卻步，但最後仍然選擇接受邀請：「呢次合作係一個挑戰，但正係令我哋想要堅持下去嘅原因。」，《Cross My Mind》由此開始萌芽。 故事正正發生喺香港及洛杉磯，myTV SUPER與Wong Fu Productions分別負責兩地各自嘅拍攝及製作，myTV SUPER節目創意主任Thomas Lo與 Wesley各自擔當兩地嘅導演。
由劇集籌備起至今，兩方團隊為突破香港與洛杉磯15小時嘅時差而晚睡早起，進行無數個線上會議，力求最大程度參與彼此拍攝。儘管天各一方，但 Thomas及Wesley盡力平衡《Cross My Mind》中，香港及洛杉磯各自嘅文化色彩，無論觀眾來自甚麼地方，可以喺故事中搵到共鳴。 《Cross My Mind》由香港演員陳明憙、韓裔美國演員Nathan Ing主演，並由車婉婉、胡渭康、Christina Colgan、Hugh Tran、Rohan Gupta、黃碧蓮、Michelle Park聯合演出，更有麥玲玲、陳凱琳、MC Jin（歐陽靖）驚喜客串。
《Cross My Mind》講述兩個分別居住香港及洛杉磯嘅年輕人通過超自然嘅神奇相遇， 互相傾聽、陪伴並獲得成長嘅故事。如同故事中嘅男女主角，亦如myTV SUPER及Wong Fu Productions嘅合作， 即使喺地球兩端，文化背景大相逕庭，但大家卻面對相似嘅困難及挑戰， 只要相互傾聽彼此陪伴，定會度過艱難時光。
節目名稱：《Cross my mind》
集數：共 6 集
上架日期：2023 年 4 月 16 日
更新時間：首星期上架 2 集，之後逢週日更新 1 集
*myTV Gold 用戶專享，myTV SUPER 用戶免費看首集。