呂頌賢出動私伙電單車拍廣告疫情下重拾兩個轆興趣

呂頌賢呢日出動私伙電單車為親自設計嘅腕表拍宣傳照，身為電單車發燒友嘅呂頌賢，由18歲開始玩電單車，由佢拎到牌照到目前擁有過8架車。

呂頌賢之後將工作重心移往內地，中間有十幾年冇揸電單車，直至2018年先再買新車，因疫情影響多咗時間喺香港，令佢重新愛上電單車，又識到一班志同道合嘅車友，今次呂頌賢以兒時圖畫為藍本參與腕表設計，以自己名字整到好似電單車形狀咁，難怪拍廣告都要出動私伙嘢啦！