經過《中年好聲音》歷時半年比賽，同早前舉行嘅3場夢想成真演唱會之後，各位參賽成員都慢慢回歸日常生活喇。呢日 顏志恒 就舉行咗個Fans聚會，同參賽以來一直支持自己嘅Fans見面，不過同步一直萬二分支持佢顏太太，呢日就繼續打點一齊，完全唔知呢日其實係為佢安排嘅驚喜嚟。

Benson話參賽後太太一直都非常支持自己，又要打點家頭細務，所以呢日就為佢安排驚喜，但係要收埋蛋糕就有小小難度喇。Benson仲話非常多謝太太為自己嘅無私付出呀。

呢日佢亦宣佈會正式宣佈成立歌迷會，除咗親手下廚為大家烹調美味菜式之外，仲會繼續參與唔同演出，仲話希望可以同燕尾蝶組成員開騷呀。

慈善籌款節目《萬眾同心公益金》今個星期六就舉行，呢日 周吉佩 龍婷 顏志恒 余宗遙 陳美齡 同 譚嘉儀 等表演嘉賓就現身記者會宣傳，當晚仲會同台合唱呀。嘉儀話非常期待呢次合唱機會，仲話非常開心，而AG早前齊齊為 鄭國江 作品展擔任嘉賓嘅佢哋，仲話當晚表演時聽眾氣份非常熱烈呀。

周奕瑋 今年繼續同 森美 擔任大會司儀，之前佢仲周圍飛拍咗唔少嘢，停都冇停過呀。至於 周吉佩 龍婷 同 顏志恒 今年首次參與演出，佢哋仲話之後陸續有唔同工作安排，好快就會推出同大家見面咁話呀。

除咗得獎之後未停過嘅吉吉之外，完賽後一樣忙到不得了嘅龍婷，就可能因為唔夠休息，短短一個月內就先後感冒咗3次咁多，好在都唔係太嚴重咋。

而啱啱港大畢業嘅 余宗遙 將會全身投入音樂事業，佢仲大爆將會學習女僕舞，仲話學識唔再怕醜同打開話題呀。

《萬眾同心公益金》6月3號晚 20:00 翡翠台