王鎮泉 Jeoffrey    每星期為你提供最熱辣電影資訊，中外猛片專訪花絮上映時間全部集齊。「電影泉攻略」每周四買定爆谷陪你睇新戲。

1989年一套關於綜合格鬥電影《Road House》最新重新翻拍，並由Jake Gyllenhaal飾演入面嘅綜合格鬥專家，喺早前釋出嘅電影片所見，Jake今次個身形真係勁誇張，佢仲畀外國媒體形容為荷里活最強Body呀！Jake嘅健身教練爆料，話Jake拍完《波斯王子：超時空之戰》之後就迷上健身，仲會將畀肌肉休息嘅時間都用埋嚟訓練㖭呀！

講起Jake，佢最近仲有另一新片上映，即刻同大家睇下新片速遞！《譯戰同盟》講述美國出兵阿富汗期間，軍士長同當地傳譯員奉命去搵出塔利班炸彈工場，行動期間遭到埋伏，傳譯員冒死拯救軍士長，之後因為塔利班想處死傳譯員，所以軍士長重返戰場營救呢位盟友。

家傳戶曉嘅童話故事《小魚仙》拍成真人版電影，小美人魚為咗深愛嘅王子面同海中邪惡女巫交易，令父王嘅王位級級可危。《不止不休》講述有新聞理想嘅青年，報道乙肝歧視嘅故事邪陷入前途定真相嘅抉擇。《媽打對決小布殊》改編自911後德國真實事件。土耳其裔嘅囝囝被誤認係塔利班成員，喺未經起訴下被關押監獄受盡凌虐，媽打為營救兒子，同人權律師上訴到最高法院。《失衡凶間之罪與殺》以三個闇黑故事組成，解構執念成狂，引發暗黑人性嘅失衡

《狂野時速10》上映後話題不斷，戲中大部份場口都係實景拍攝，而飾演奸角嘅Jason Momoa嘅表現更加係相當搶眼，令到呢齣電影成為本周票房龍虎榜嘅第一位，而第二位就係《銀河守護隊3》、第三位係《關於我和鬼變成家人的那件事》。

王鎮泉 Jeoffrey 每星期為你提供最熱辣電影資訊，中外猛片專訪花絮上映時間全部集齊。「電影泉攻略」每周四買定爆谷陪你睇新戲。

雖然泉叔去咗新加坡，但佢仍然為大家搜羅各大電影消息！DC今年嘅大作《閃電俠》雖然仲未上映，但係已經大獲好評，喺最新釋出嘅幕後花絮入面，閃電俠仲穿越時空去咗個正義聯盟唔存在嘅世界，搵蝙蝠俠出山，當中最震撼嘅莫過於入面搵返1989年版本嘅Michael Keaton嚟演，Michael見到蝙蝠俠個場景，感動到忍唔住影低send畀當時嘅導演添布頓。

呢個星期嘅新片速遞有《蜘蛛俠：飛躍蜘蛛宇宙》，講述蜘蛛仔畀神秘力量帶入充滿各式各樣超級英雄嘅多元宇宙，蜘蛛仔仲被逼同佢哋展開大對決。《凶門惡煞》高中女生經歷喪母之痛，同身為心理治療師嘅爸爸終日喺悲傷中渡過，但某天治療師嘅病人闖入屋兼離奇慘死家中，從此充恐怖事不斷。《配樂大師：ENNIO》訪問一代電影配樂傳奇摩利哥尼，講佢傳奇嘅一生。《犯罪都市：鐵拳掃毒》馬東石飾演嘅「怪物刑警」為追捕新型毒品罪，展開韓國最大跨國毒網掃蕩行動，以拳頭當子彈嘅佢，誓死要將毒販一嘢KO。

同大家率先睇完《變形金剛：狂獸崛起》嘅幕後花絮後，再同大家睇埋本周票房龍虎榜，第三位係《銀河守護隊3》、第二位係《小魚仙》、第一位就係《狂野時速10》。