Marz23開騷收23個Bra難處理 一場巡唱唔夠喉讚港迷夠癲

台灣歌手 Marz23 繼日前舉行完巡迴演唱會香港站之後，呢日又緊接再喺香港舉行簽唱會，仲同Fans齊齊跳舞。而講到同巡唱嘉賓 Tyson Yoshi嘅友誼，佢就話其實幾年前已經相識，仲幾乎同時間展開音樂之路，仲話如果對方邀請一定要回禮做嘉賓呀。

喺演唱會收Bra收到手軟嘅佢，呢日就話收足23件之多，雖然話女友大方唔會嬲，不過佢亦都話唔知點處理呢堆貼身衣物先好喇。

佢呢日又大讚香港Fans唔止熱情，仲可以瘋狂嚟形容，仲話今次香港只開一場完全唔夠喉呀。即將會升任人父嘅佢，呢日亦都提到心情慢慢緊張，會更有動力為下一代努力生活呀。