曾比特有意年底開騷 詹天文預告最快暑假內推出新歌

曾比特、詹天文（Windy）、林智樂（Felix）呢日現身動漫節一個表演活動，三人輪流獻唱，曾比特透露最近畀自己放假兩星期休息叉足電，透露出道3年，有意年底開騷。

詹天文與林智樂分別忙於籌備自己嘅新歌，詹天文預告最快暑假內推出，同樣現身動漫節仲有洪杰同涂家堯，二人相識多年，更互相支持對方參加《中年好聲音》，佢哋希望有機會同台演出。林雅詩自資接近6位數字出新歌，剛由英國返港，工作忙過不停，又指即將推出嘅新歌係慘情歌。