亞洲超星團｜先導片公開初印象人氣排名港將冼靖峰張鎬濂入頭十名

全新偶像選秀節目《亞洲超星團》今個星期六晚正式推出，節目播出後 myTV SUPER 嘅「亞洲超星團專區」將獨家上架《亞洲超星團(加長版)》，播出更多絕密花絮同演出片段。

65位分別來自內地、香港、澳門、台灣、日本同韓國嘅超星練習生，仲有幾日先正式同大家見面，不過《亞洲超星團》嘅先導片段星期日已經正式於myTV SUPER上線。片段為大家介紹各位超星練習生，佢哋聚首喺初舞台嘅錄影現場，65個座位由練習生自行預測網友對自己嘅「初印象人氣排名」而揀選號碼入座，希望令觀眾可從中了解練習生嘅特質同性格。

最終「初印象人氣排名」頭10位分別係奧利李權哲譚奕天鐘駿一陳鑫昊尹俊嵐冼靖峰張勝希張鎬濂同江信熹。其中香港代表冼靖峰同張鎬濂分別成為第7同第9 位，成績不俗。至於其餘香港代表排名，分別係第18位文佐匡第20位黃奕斌第21位丁子朗第26位方玉亨、第34位區珀豪第37位黃星綽同第44位余宗遙。

奧利成為初印象人氣排名第一位

暫時排名21位嘅丁丁坦言：「依家26歲喇，喺呢個節目已經係屬於年紀偏大，我要用我最大能力走到最後，希望可以成團！」至於排20位嘅黃奕斌就話：「好驚喜，喺心目中第20位都係好靠前嘅位置。」

丁子朗暫時排名21

而人氣勁爆嘅奧利一出場，在場選手已經預測佢會順利排名第1，而奧利就謙虛選擇坐第7號座位，最終公布排名佢果然排名第一時，現場所有人都一同歡呼，奧利喺1號座位坐低時，仲怕醜指自己緊張到腳震，之後佢話：「壓力挺大的，覺得自己還沒有到能在第一這個位置的實力，感覺需要更努力，但我會更努力的去坐起這個位置！」

冼靖峰位居第7張鎬濂則處於第9名

現年17歲嘅奧利曾參加韓國男團選秀真人騷《BOYS PLANET》，最終喺95位參賽者中排名第26位，成績亮眼。至於第2位李權哲人氣同樣勁爆，除咗微博粉絲人數高達669萬人，22歲嘅佢2018年曾參加《偶像練習生》，最終排名23位，及後以NEXT成員身份正式出道，隊友仲包括內地女星范冰冰細佬范丞丞。而排第3位嘅譚奕天係男團ENONE成員，隊友張勝希同林展爍亦有參加今次《亞洲超星團》，五官精緻嘅佢更係隊內嘅顏值擔當。