妳不是她丨馮盈盈爆修哥羅蘭姐勁「Sweet」 甜蜜遲暮戀送心心傳情‧浪漫共舞

由徐正康夥拍新鮮人陳萍（April）擔任監製、麥世龍擔任編審《妳不是她》，逢周一至五晚八點半翡翠台播映，噚晚（2號）呢集「最年長螢幕CP」羅蘭＋胡楓擔正「遲暮戀」正式上演， 甜度爆燈！

胡楓飾演的琛伯，原本生活帶點乏味，收到月英的「求愛信」後，琛伯即刻「精靈歸位」。真的戀愛了的月英！

劇情講述阿信（丁子朗飾）嫲嫲月英（羅蘭飾），因喺老人院亂放紙飛機，引來院長（張本立飾）及院友家屬投訴。阿信女友夏莉（馮盈盈飾） 介入事件，發現嫲嫲並非亂拋垃圾，只係將紙飛機當作情書並誓要送畀愛人琛伯（胡楓修哥飾）手上。

修哥唔單止扮演情聖寶刀未老，演繹扯火場口一樣中氣十足。琛伯與月英海旁甜蜜共舞。隔住個mon都feel到好冧。

為咗向琛伯示愛，嫲嫲經常夜探琛伯，事件惹來琛伯新抱黃太（姚瑩瑩飾）不滿，與丈夫（鄭啟泰飾）極力阻止嫲嫲接近琛伯，因而與夏莉爆發衝突……最終因為琛伯開口承認「我想同月英去拍拖」，兩老終能如願拍拖，並喺阿信及夏莉帶領下「著靚靚」夜遊香港，除咗遊電車河，仲喺海旁浪漫共舞…搞笑嘅係為免招惹無謂事端，月英及琛伯選擇「地下情」，人前扮唔熟，卻喺院舍低調送心心兼「眉目傳情」，可愛到不得了！

羅蘭姐扮靚靚後神采飛揚。 修哥唔單止依然瀟灑有型，表情仲要鬼咁精靈多變。

修哥與羅蘭雖已年屆91歲及89歲，但二人寶刀未老，對白、表情、動作全線到位；呢邊廂羅蘭發功大晒「表情包」，一口氣展現慈祥、精靈、任性、扭計、 看透世情、嬌俏、期待及勇敢追愛等多種唔同情緒；那邊廂修哥打扮後依然風度翩翩、瀟灑有型，發火時仍舊中氣十足，氣勢逼人！現實生活中同樣儼如糖黐豆嘅修哥及羅蘭姐，劇中甜蜜對望似足熱戀情侶。

看穿夏莉不是夏莉的月英？兩 pair 都咁甜蜜。

談到修哥與羅蘭「遲暮戀」，監製April坦言角色係為二人度身訂造，並以「追求愛情大歷險」 七個字打動二人答應演出：「我哋度劇本嗰陣已經鎖定兩位前輩，當時我用追求愛情大歷險嘅主題嚟打動佢哋，聽完故仔後佢哋都相當開心同興奮。」April又指遊電車河拍拖呢幕更係修哥昔日拍拖時嘅親身經歷。

二人最終能夠心意相通，全靠呢個 video call！ 月英：「你想唔想拍拖呀？」琛伯：「我想同月英去拍拖！」修哥已年屆91歲，但修哥寶刀未老，對白、表情、動作全線到位。

劇中與羅蘭修哥勁多對手戲嘅盈盈，大讚兩老Nice又親切：「我哋喺現場睇嘅時候，已經覺得佢哋兩個演繹得好有CP感，呢集我都有睇番，修哥同羅蘭姐真係演得好浪漫，我都睇到好冧。」盈盈大搞食字gag笑言修哥與羅蘭姐戲內戲外一樣咁「Sweet」：「佢哋私下都好鍾意食甜品。」

寫情信中的月英!阿信嫲嫲月英（羅蘭飾），因在老人院亂放紙飛機，引來院長及院友家屬投訴。

《妳不是她》逢周一至五晚八點半翡翠台播映