重操故業做扒寶刀未老 方健儀直擊拜神人龍：People Mountain People Sea

初三赤口好多人都唔會去拜年，而係選擇去車公廟參拜。由於參拜嘅善信眾多，令到前新聞主播 方健儀 都忍唔住要主播上身，喺寓所露台「做扒」為大家直擊現場情況！

片入面方健儀以專業嘅報導新聞口吻，為大家講述大批善信排隊入車公廟嘅長長人龍情況。畫面所見，排隊入廟嘅人龍超多，方健儀仲以正經口吻指係「People Mountain People Sea」，而由於現場鼓聲、鑼聲不絕，附近嘅居民起初都擔心會受到影響，但身為附近居民aka呢次嘅新聞主播方健儀就表示，聲浪尚可接受，加上新年喜慶日子，只要大家開心就OK呀。