王馨平 呢日 潘靜文 文凱婷 何晉樂 等一班歌手為音樂節目《J Music》錄影，而Linda嘅一班瑜伽學生亦有現場支持。Linda仲教一班年青朋友大唱自己經典作《別問我是誰》嘅招牌手勢，當然亦唔少得現場為大家獻唱啦。
Linda呢日亦有表演新歌《威嚴背後》，呢首為紀念已故大俠父親 王羽 嘅歌曲，就因為歌詞太過貼切，所以就令佢每一次演出都會非常感觸喇。
Sherman呢日主持之前知道會同前輩合唱，事前亦花唔少時間預先練歌，佢仲大讚Linda非常Nice，可惜就錯過請教對方凍齡心得嘅機會喇。而Aeren就話呢日現場氣氛非常好，前輩嘅吸引力真係唔可以講笑咁話。
