熱愛唱歌嘅 郭浩皇 呢日舉行新歌發布會，更獲唔少好友到場支持，Alex有感做音樂呢條路真係相當唔容易，而佢首新歌，更係經歷成個疫情先終於誕生，所以佢都百般滋味在心頭。
雖然行音樂呢條路Alex有時覺得好孤單，但幸好有朋友嘅支持鼓勵，令佢更有信心。原本都會出席記招既Johnny Yim，因為臨時有事缺席，但係Alex都好感激對方喺音樂上比咗唔少意見佢，佢仲話好期待同對方合作新歌添。
講返呢首新歌，Alex就話歌詞好有意義，佢話細個時，我哋成日會對未來有美麗憧憬，但係慢慢會發覺，我哋無論幾努力，始終同自己想像嘅會有落差，所以佢話呢首歌係想話比大家知，我哋曾經想像嘅既未來，可能唔會發生，所以反而應該把握現在，活好面前嘅每一步。
