電影泉攻略｜史泰龍讚賞Rayn Gosling 視對方為Rambo接班人丨EP91

王鎮泉 Jeoffrey  每星期為你提供最熱辣電影資訊，中外猛片專訪花絮上映時間全部集齊。「電影泉攻略」每周四買定爆谷陪你睇新戲。

史泰龍最近作客著名主持Jimmy Fallon嘅節目，突然自爆原來佢曾經收過《Barbie芭比》嘅演出邀約，搵佢演出其中一個阿Ken，龍哥當然好想演，不過因為檔期問題無奈推咗，而電影入面飾演Ken嘅Ryan Gosling，其中一個造型就係向對方致敬。講開史泰龍同Rayn Gosling，原來龍哥自從識咗Ryan之後就非常欣賞對方，仲點名話Rayn絕對可以做佢電影系列《第一滴血》嘅Rambo接班人，佢話唯一擔心嘅係呢個Rambo太靚仔，觀眾會睇唔慣呀。

本周嘅新片速遞有：

《怒潮》張家輝、阮經天同王大陸主演，講述橫跨黑白兩道隻手遮天嘅集團正值換選之際，一個神秘殺手突然隻身闖入呢個混亂漩渦攪亂大局，仲成為警察同黑幫陣營共同捉拿目標。

《特權樂園》二戰時期集中營嘅指揮官，一家人住喺集中營旁邊嘅花園平房，佢哋嘅世界與惡無關，睇落歲月靜好，對於旁邊不時傳來嚟嘅槍聲、驚嚎、火光、灰燼，亦一律採取「我唔知、我睇唔到」嘅方式。

《我們從末日開始》倫敦因為超級豪雨而陷入毀滅危機，糧食短缺、社會進入無政府狀態。一名媽媽帶住初生嘅囝囝越過高山低谷，希望搵到回家之路同失散丈夫重聚。

《「鬼滅之刃」 絆之奇蹟，邁向柱訓練》描寫了以刀匠村為舞台，炭治郎同上弦之肆・半天狗激戰嘅結果，與禰豆子克服陽光過程，亦係首次公開描寫為咗與鬼舞無慘決戰所進行嘅《柱訓練篇》第一集。

喺《阿凡達：水之道》上映之後，曾經傳出過第3集嘅《阿凡達》將會有9 個鐘頭咁長，仲要講到似曾曾咁嚇窒唔少影迷。導演占士金馬倫最近喺一個頒獎禮上面，終於有機會可以澄清呢個天大嘅謠言，話自己當時嘅意思係佢一共有9個鐘嘅畫面素材，但係裏面包含晒第3、4、5集嘅內容，即係平衡3個鐘一集，不過第5集嘅《阿凡達》要預計2031年先至上映，影迷就要慢慢等下喇！

今個星期票房戰況：截至2月21號中午，第3位《臨時劫案》；第2位《盜月者》；第一位，《飯戲攻心2》