香港超星練習生作客《J MUSIC》互相爆料 冼靖峰最養生但最易病

《亞洲超星團》四位香港練習生 冼靖峰 、 文佐匡   黃星綽  余宗遙 呢日作客音樂節目《J MUSIC》JAM吓歌仔。四位因為參加節目而變得感情深厚，所以呢集嘅主題係以「友誼」為主。

3月9號就係超星團嘅成團之夜，雖然丁子朗、余宗遙未能闖入18強競爭出道席位，但冼靖峰、文佐匡、張鎬濂、黃奕斌相當之叻，成為18強練習生之一。呢日雖然張鎬濂未能現身節目，不過佢以線上連線方式同大家分享參加節目嘅難忘事。幾位講起練團嘅日子，佢哋就話余宗遙係爛Gag王、冼靖峰最養生，經常為減肥節食，但又最易病。

黃星綽舞技一流，呢日佢都有教節目主持潘靜文（Sherman）跳超星團主題曲，亦俾對方有唔錯嘅評價。但係佢哋懷疑，可能Sherman係有備而來，已經睇過佢哋嘅官方版本。