靚湯舉家旅行拒認「撥出去嘅水」 馬明失蹤同佢去咗呢度

馬國明 同 湯洛雯 去年12月於泰國成婚，之後呢對新婚夫婦就甜蜜迎接農曆新年同情人節喇，馬明婚前婚後都未有放大假好好休息，好似臨結婚都忙住拍《飛常日誌》，近日仲同 丁子朗 飛埋去馬來西亞出席活動搵真銀。

而新婚人妻靚湯早前就為老公下廚焗製蛋糕自製甜蜜，不過轉頭就掉低馬明，同父母細妹出埠旅行，更加搞笑指雖然已婚，不過自己唔係「撥出去嘅水」，又稱已經4年冇一家人一齊出遊，所以今次非常開心，而其中一張靚相見到湯家四口打扮色Tone襯到絕，而靚湯身後又見到東京鐵塔，相信今次佢哋應該係同遊日本喇。