怪物級美魔女相隔5年襲港 酒井法子宣傳個唱超親民

被日本傳媒封為「怪物級美魔女」嘅 酒井法子 繼2019年來港演出後，7月將再次舉行香港演唱會，今日佢一早上機就經社交平台出Post表示來港途中，似乎此行令佢非常興奮。

由數名工作人員加上保安同行嘅酒井，現身機場大堂時展現親民風範，一直面帶微笑逐一為一早到場等候嘅歌迷簽名，收到鮮花時笑得更為燦爛，而見到現場一位只得幾歲嘅小歌迷時，更即時蹲於對方身邊，邊閒聊邊簽名，又做心心手勢同握手氹對方，親民程度爆燈呀。