羅子溢爆與王敏奕14歲就認識 《婚後事》甫開live逾2千人湧入勁受歡迎

TVB劇集《婚後事》掀起全城熱話，六位主角錯綜複雜嘅關係睇到觀眾好緊張，噚晚播出後王敏奕、羅天宇及羅子溢喺IG開直播與觀眾傾吓偈，子溢最近忙於拍攝《執法者們》，剛收工就趕返屋企，隨後先加入直播，三人live一開就吸引逾2600人觀看，當中不少馬來西亞觀眾大讚子溢做得好，更希望一眾演員去大馬做宣傳。

王敏奕、羅天宇及羅子溢喺IG開直播與觀眾傾吓偈。

子溢因忙於工作，未有收看噚晚播出嗰集，佢同敏奕讚喺電視睇到演員們眼神嗰種感覺好唔同，又指前晚嗰集絕對係敏奕solo，子溢透露喺敏奕14歲嗰陣已認識，羅天宇聞言好驚訝，子溢指當時敏奕係著住件白色校服；原來子溢當年拍《Y2K系列》嘅《過渡青春》認識，敏奕當年著校服去試鏡，呢套劇喺2006年10月播出，同劇仲有文詠珊及蔣家旻等。

子溢同敏奕讚喺電視睇到大家眼神感覺好唔同，又指前晚嗰集絕對係敏奕solo。

《Y2K系列》可謂80後青春偶像單元劇系列，拍攝嗰陣喜歡用新人，方力申、余文樂、蔡卓妍、關智斌、蔣雅文及唐詩詠等亦曾出演《Y2K系列》！
子溢透露喺敏奕14歲嗰陣已認識，羅天宇聞言好驚訝。《Y2K系列》可謂80後青春偶像單元劇系列，拍攝嗰陣喜歡用新人，方力申、余文樂、蔡卓妍、關智斌、蔣雅文及唐詩詠等亦曾出演《Y2K系列》！