文凱玲結婚丨白色情人節延開23席 與圈外男友拉埋天窗

恭喜晒！41歲「晶女郎」文凱玲Connie喺3月14號白色情人節同圈外男友Jason拉埋天窗！一對新人延開23席，除咗Jason嘅家人同朋友特意由加拿大回港參加佢哋嘅婚禮外，Connie亦邀請咗《狀王之王》同《一舞傾城》嘅演員，同埋佢圈中好友莊思明、王子涵、林子聰、劉溫馨、陳庭欣、唐貝詩等出席。

一對新人選擇喺酒店出門同入門，着上金龍金鳳牡丹褂嘅Connie貴氣十足，雙方父母亦為一對新人送上五式金器同珍珠頸鏈手鏈耳環以示祝福。

而喺證婚時，Connie同老公喺台上甜蜜錫錫，場面甜蜜感動。Jason喺台上致詞時，感謝家人朋友出席，同時稱好開心識到太太，亦多謝大家對Connie嘅照顧。