莊子璇強擠時間平衡學習與工作 姜依宁梁晶晶盼與黎諾懿合作

幾位應屆港姐莊子璇、姜依宁、梁晶晶，連同波波黃婧靈等，呢日盛裝打扮出席花卉展，為當中嘅攝影展擔任模特兒。

以民初造型亮相嘅莊子璇，話自己呢身裝扮係當年視后胡定欣喺《公公出宮》入面着過，佢話自己好榮幸可以着同一件衫，同時又慶幸件衫啱身唔使改。而波波就話因為自己鍾意試新嘢，所以對自己呢身打扮都好OK。

仲讀緊書嘅莊子璇，被問到點樣平衡工作同學業時，佢就話自己強行平衡，因為時間都係逼出嚟，而自己喺化妝嘅時候同時都做緊功課。

而以唐裝上陣嘅姜依宁，同以民初造型現身嘅晶晶，就話特登上網學專業model擺pose，至於講到想合作嘅藝人，佢兩個都話好想可以同黎諾懿合作呀。