羅啟豪孖李佳遠赴加拿大登台 獲熱情粉絲提早慶祝生日超Sweet

李佳及羅啟豪早前受邀前往多倫多以及溫哥華演出見粉絲，出發前席二人更獲一眾有心粉絲到機場送機兼打氣，現場氣氛熱鬧。佢哋首先抵達溫哥華為一個慈善晚宴演出，最令羅啟豪驚喜嘅，莫過於係有班忠實歌迷飛到當地，聯同加拿大當地粉絲為佢應援，而佢嘅家人亦喺美國特地前往溫哥華欣賞佢同佳佳表演。

二人隨後喺多倫多展開第二站行程，佢哋嘅粉絲一早逼爆商場等位，只為可以見到偶像一面。羅啟豪同佳佳估唔到自己喺海外有咁多粉絲，更未諗過出道日子雖然唔長，竟然可以受邀到加國演唱。

羅啟豪嘅粉絲好有偶像心，喺呢日為羅啟豪提早慶祝4月2號生日，一齊唱生日歌，令羅啟豪感到相當Sweet！首次去加國嘅佳佳非常期待完成工作後到處觀光，羅啟豪承諾化身導遊，帶佳佳好好玩吓、品嚐吓美食。