「億萬闊太」林夏薇進軍實驗室鑽石新戰場堅持拍劇兼顧打理飲食生意

「億萬闊太」林夏薇忙於兼顧家庭、自家生意，仲要拍劇開工，真係忙到冇停手，先係踏足飲食界生意，今日喺社交平台宣布進軍實驗室鑽石呢個世界，好高興與大家分享佢人生中一個重要嘅里程碑。

林夏薇今日喺社交平台宣布進軍實驗室鑽石呢個世界。

林夏薇今次搞實驗室鑽石生意，非常感激大家支持，對佢而言，開創一個生意係挑戰自己去探索新領域，林夏薇自認一直熱衷於創新及創意，佢希望將呢份熱情轉化為打造最精美嘅實驗室鑽石；林夏薇為呢門生意真係花咗唔少心機，近幾個月一直與印度最優秀嘅拋光鑽石供應商展開討論，真係做足準備功夫！不少圈中好友紛紛留言讚林夏薇做戲又叻、又靚女、又識做生意，黃祥興恭喜呢位diamond queen，而林子超留言：「點解你可以咁叻？！」

林夏薇好高興與大家分享佢人生中一個重要嘅里程碑。

林夏薇於2015年嫁畀金融才俊莫贊生（Jason），升呢成為億萬闊太，佢自細獲家人教做生意技巧，讓佢明白創業做生意要承受失敗，而佢老公做生意有經驗，不時從旁教導，加上林夏薇與生意拍檔一拍即合，令佢喺飲食界大展拳腳。
林夏薇今次搞實驗室鑽石生意，非常感激大家支持，對佢而言，開創一個生意係挑戰自己去探索新領域。林夏薇為呢門生意真係花咗唔少心機，近幾個月一直與印度最優秀嘅拋光鑽石供應商展開討論。不少圈中好友紛紛留言讚林夏薇做戲又叻、又靚女、又識做生意。