Ella沖涼被老公衝入浴室 臉紅自爆情人節甜蜜慶祝

Ella 陳嘉樺 出席代言嘅洗頭水廣告，不過大家嘅焦點就唔係放喺佢點護理一把秀髮，而係有冇同老公鴛鴦浴增進感情，一向敢言嘅Ella就話年青時都會互相幫忙下，到而家就無呢回事。佢話如果自己沖涼沖到一半，老公衝入浴室嘅話，其實只係想打尖沖涼沖快啲，Ella又話自己會幫老公幫佢吹頭髮，不過老公就唔會咁做，除非要佢開聲要求，因為老公係一個唔會主動嘅人。

日常生活中，只要Ella開到聲，老公就會即刻去做，但係原來當老公想叫囝囝勁寶幫佢拎嘢時，勁寶就會講「你自己的東西為甚麼自己不拿，你是在把我當傭人使喚嗎!」但調轉係Ella叫勁寶幫手，就永無拒絕，尤其係Ella病嘅時候，勁寶仲會暖男上身照顧媽咪。

講到白色情人節，Ella收到老公送嘅花，原來啲花係佢老公借花敬佛，將總監畀佢嘅花轉贈畀Ella，但Ella就唔介意老公此舉，仲怕怕醜醜透露喺情人節時，襯囝囝勁寶休息時，兩公婆嘅甜蜜慶祝閨房事。