Rosanne再闖江湖為新歌拍MV 忘情勁舞身兼監製一腳踢

年初「重出江湖」再戰樂壇推出首支個人歌曲《帥起來》嘅 黃婉君 ，經過多時籌備之後，日前終於為新歌拍攝MV，Rosanne今次唔止排舞排足兩個月，更擔任埋MV監製，連燈光、服裝同拍攝嘅視覺效果都要兼顧考慮埋，果然係為母則剛冇嘢難到佢呀。

Rosanne籌備多時之後日前為新歌拍攝MV

Rosanne話今次MV拍攝籌備花足3個月時間，而幕後人員雖然係首次合作，不過都係經驗豐富嘅人馬，令佢非常滿意最後成果。拍攝當日由下晝一直到凌晨，Rosanne同舞者一直熱舞，但係同排舞唔同，Rosanne要保持自己喺C位，又要兼顧鏡頭就係一大挑戰喇。

今次佢更擔任埋監製，Rosanne大小事務都親自過目

MV又出動貨櫃車，Rosanne更要同一班舞者喺3架水車製造嘅人造雨下共舞，雖然最後人人都由頭濕到落腳，凍到震呀。雖然過程非常辛苦，不過Rosanne就指因為非常之順利。令佢開心之餘仲想想再推出仕新快歌再跳多次咁話呀。

雖然過程一啲都唔易，不過就滿足感爆燈，搞到佢話想快快再推出下一首作品呀