竇靖童澄清與同性秘婚傳聞 罕談對父母感覺 視王菲為學習對象

莫文蔚、劉偉強、霍震霆等出席王幼倫籌辦慈善活動，會場以光影技術投射名畫影像融入香港夜景，揭幕禮表演邀請天后王菲女兒竇靖童（童童）及王菀之分別獻唱，童童遺傳父母嘅音樂才華，演出時素有自己風格。

多年來童童嘅事業同感情備受關注，舊年一度傳出秘婚嘅童童亦澄清未婚，更大方回應傳媒發問，表示雖然未曾同媽媽溝通過要一齊玩音樂，但若有機會都想母女檔合作。而成長以來，童童甚少公開談及父親竇唯，受訪時佢罕有講到一直父母給予佢好大自由度，盛讚父母係兩種唔同性格，屬獨一無二個體。

童童自小就背負住有個天后女兒嘅稱號，王菲一直係演藝圈傳奇之一，童童亦視媽咪為學習對象，童童一直好欣賞媽咪，當被問有個天后級媽媽會唔會有壓力？童童就覺得係一個祝福：「雙向影響，佢有佢嘅好處，可能會有壓力嘅地方，但係件好事。」