《逆天奇案2》收視報捷 陳展鵬樂意負責派福利

《逆天奇案2》嘅劇組齊集，除咗宣布收視節節上升之外，更同時為啱啱獲得金像獎最佳男配角嘅姜大衞慶祝，一眾演員得悉劇集播出第二周，喺內地播放平台從Top10晉升到Top6 加上收視越嚟越好，佢哋都相當開心。

陳展鵬仲話唔介意負責派福利，林夏薇同方力申都預告劇情越嚟越豐富，究竟小方又係咪大家所諗嘅奸角？咁大家就要拭目以待。呢日大家亦為鍾澍佳導演慶祝生日，而講到白羊座壽星，展鵬屋企都有兩位，展鵬話要花心思去氹老婆同囡囡開心，至於囡囡有個小驚喜會送畀媽咪，相信Phoebe呢個生日一定好幸福啫。

上周播出由鄭俊弘同郭柏妍主演嘅奇案，兩人演技大爆發被激讚，Rosita演嘅恐怖情人更顛覆咗一向嘅清純形象。而講到當年因拍攝《法言人》而戲假情真嘅張子丰同王菲，呢次劇中雖然冇感情線，但有指兩人戀情開始浮面，張子丰早前亦大方認愛，不過呢日兩人就答得有啲故弄玄虛。