胡杏兒細仔三歲生日化身蜘蛛俠 Liam集全家寵愛在一身

胡杏兒與老公李乘德近日為細仔李奕宏（Liam）慶祝3歲生日，佢喺IG貼出生日派對嘅相，見派對以蜘蛛俠為主題，Liam與哥哥李奕霆（Brendan）及李奕霖（Ryan）一齊著蜘蛛俠裝。

胡杏兒與老公李乘德近日為細仔李奕宏慶祝3歲生日。

孻仔拉心肝，Liam集全家寵愛在一身，全家福見父母及兩位阿哥一齊送吻，Liam亦流露出純真可愛嘅笑容，一家五口相當幸福，杏兒祝可愛嘅細仔生日快樂。

細仔李奕宏3歲生日派對以蜘蛛俠為主題。

杏兒更指自己當年陀住細仔參加《演員請就位》，唔知係咪呢個原因，三兄弟當中係Liam「一見到相機便最camera ready的那個」，細仔李奕宏Liam總係露出最燦爛笑容、又做古靈精怪嘅表情，令「我們的家有了你有了更多的歡樂，感謝你是我們的兒子，we love you Liam」，杏兒呢位廿四孝媽咪真係字裡行間充滿愛意！
細仔李奕宏有參與魔術表演環節。杏兒細仔李奕宏笑容非常甜美！一眾小朋友玩得非常開心，大家盡興而歸。胡杏兒細仔非常有愛心!杏兒當日打扮亦非常靚靚。細仔李奕宏表情多多！Liam與哥哥Brendan及Ryan一齊著蜘蛛俠裝。