星光路上足本版丨鄭俊弘幸有前輩羅嘉良啟發 難忘演古裝講嘢鬼鬼地口音

鄭俊弘（Fred）當年參加《2001全球華人新秀歌唱大賽》入行，後來加入TVB第18期藝員訓練班，獲老師羅冠蘭悉心教導，令Fred對演戲有興趣，Fred接受TVB娛樂新聞台節目《星光路上》講吓入行拍攝嘅難忘事。

Fred拍TVB劇《英雄、刀、少年》首次有角色，飾演吳卓羲好友唐耀宗，佢笑言當時講嘢仲有英語口音，覺得自己演得好難睇，直至拍《青出於藍》，Fred最難忘係一早喊晒啲眼淚，最尾要滴眼藥水，Fred回想自己當年遇到好前輩羅嘉良，拍《與諜同謀》擔任第二男主角，佢好緊張未入到狀態，後來多得羅嘉良教佢點樣培養父子情，令大家拍攝好開心，Fred又笑指自己演奸角反而有更多好評。

Fred成為人父後，佢學識活在當下，最重要係阿仔健康成大，Fred坦言生B計劃本來係拖字闕，想先享受二人世界，直到阿仔Asher出世，Fred開始改變想法，佢哋仲計劃下年再生一個小朋友。