Mayanne小喇叭｜林峯吳卓羲陳年照出土首談拍劇露股遮重要部位互相𠝹毛慘況

由麥美恩（Mayanne）擔任主持，曾展望（GM）擔任助理主持清談節目《Mayanne小喇叭》本周四晚（11日）呢集主題係「娛樂圈中真‧友‧情」，邀請到林峯(阿峯)同吳卓羲（Ron）兩位好兄弟擔任嘉賓，呢次亦係兩子相隔多年再度喺無綫節目亮相。

今集 Mayanne 好多福利！

阿峯同Ron喺節目中毫無忌諱大談相識25年經過同日常，又互爆對方秘密，兩人每日都會聯絡，更經常互到對方家中過夜，感情猶如親人。原來當年係林峯主動聯絡阿Ron約食飯，阿Ron被嚇一跳：「佢打畀我嗰陣時我都打咗個凸，嗰時佢已經《尋秦記》，佢話約我食飯，我就覺得咁奇怪嘅？然後就一步步建立關係。」林峯亦大方向Ron發表愛的宣言：「鍾意你吖嘛！」更透露當年冒昧採取主動全因看到Ron落下男兒淚嘅感人一幕。想知點解就要留意節目。

林峯同阿 Ron 大談當年結緣經過。

兩位嘅訓練班青澀樣激罕曝光。林峯「玉樹臨風」嘅一幕，仲話嗰一吓已百分百感受到對方嘅大俠氣質。兩兄弟應製作組要求翻看當年拍攝《大唐雙龍傳》時露股戲，Ron爆料係臨場應導演要求拍攝：「初初劇本冇，佢哋話不如整場令伍姑娘(伍詠薇)尷尬少少嘅戲，咁佢有咩會尷尬呢？導演就提議除晒，我就問：『出唔出得街呀？除冇問題，但點樣遮住前面先？」林峯笑笑口話：「現場有啲大垃圾膠袋，我哋就剪咗個角落頭落嚟…」Ron再搞笑話：「我望住佢剪幾大，我咪再剪大啲，鬥大咯！重點係我哋用牛皮膠紙黐。」林峯即大表認同：「黐嗰陣冇問題，搣嗰時大鑊。」講到興起嘅Ron，仲大爆搣膠紙時苦況：「要搵𠝹刀𠝹，𠝹咩？毛咯，互幫大家，現場冇人夠膽幫我哋𠝹！」。

呢個「奧運六星」又係好經典…