郭柏姸空中舞蹈比賽勇奪亞軍分享喜悅 《逆天2》突破乖女形象演恐怖情人獲讚

郭柏姸（Rosita）近日喺TVB劇集《逆天奇案2》當中嘅演出大獲好評，佢喺劇中飾演嘅癡情第三者王姍姍，為觀眾帶來唔少驚喜，好多人大讚Rosita演技進步，尤其係扮演恐怖情人，無論表情或眼神都好到位，紛紛表示好欣賞佢勇於突破乖乖女形象挑戰自己。

Rosita喺戲外好努力增值自己，日前喺IG晒出參加內地空中舞蹈比賽奪得亞軍嘅靚相。

除咗演技上努力，Rosita喺戲外好努力增值自己，日前喺IG晒出參加內地空中舞蹈比賽奪得亞軍嘅靚相，並分享得獎感受，原來佢今年1月去參加比賽，去年12月一直猶豫要唔要參加比賽，一度擔心自己做唔到，猶豫咗幾個星期，問咗好多人意見，最終決定參加。

Rosita冇諗過自己會獨自離開香港， 更成功喺比賽拎亞軍。

Rosita冇諗過自己會獨自離開香港， 更成功喺比賽拎亞軍，同時認識一班志同道合嘅朋友，一拍即合嘅感覺好爽，最後Rosita亦不忘為今屆DSE考生加油。
其實Rosita上年台慶曾表演過空中瑜伽，當時雖然傳出走光疑雲，不過Rosita優美嘅空中舞姿得到一致好評，事後Rosita繼續努力學習，兼且喺空中舞蹈比賽得到亞軍，又靚女又咁努力，唔怪得Rosita咁有觀眾緣啦！


郭柏姸近日喺TVB劇集《逆天奇案2》當中嘅演出大獲好評，佢喺劇中飾演嘅癡情第三者王姍姍。