福祿壽訓練學院丨郭珮文陳懿德縮肚化身人肉獎座 「廣州暴龍哥」分享扮嘢心得

扮嘢真人Show《福祿壽訓練學院》嘅三位導師阮兆祥、李思捷及王祖藍成功收生，嚟緊三位導師即將帶領各自旗下8位學員展開師徒合作，籌辦大型頒獎典禮，屆時50位想請又請唔到嘅「影視紅星」亦會助陣，今次師徒上陣扮演紅星充撐場面。

兩位女神辦公室助理郭珮文（Juliana）及陳懿德化身人肉獎座做佈景，佢哋笑指臨時接到任務趕唔切減肥，全程縮肚冇得食嘢；而「廣州暴龍哥」陶大衛亦有分享扮嘢心得，拍攝宣傳片幾可亂真！

麥玲玲及阮兆祥化身「真假麥玲玲」，而細細粒陳嘉佳瘦身成功減咗100磅，着上溫碧霞當年妲己戲服，身旁嘅祖藍笑指細細粒雖然瘦咗，仍然係好怕熱，指細細粒好大汗，令到寫「溫碧霞」名牌嘅墨水化咗。