TVB劇集節目紐約獲多項殊榮 《新聞女王》劇本奪金《破毒強人》執導技巧摘銅

一直致力為本地同海外觀眾提供高品質電視娛樂嘅TVB，多年來唔同劇集同節目都備受世界各地觀眾、客戶同媒體所肯定。傾力打造嘅節目就令TVB喺今年「2024紐約電視電影節」，獲得一個金獎、一個銅獎以及兩個優異獎共四項殊榮。

於內地平台有效播放量近10億；由 佘詩曼 李施嬅 譚俊彥 馬國明 高海寧等主演嘅《新聞女王》，榮獲「劇本組別金獎」殊榮。由 謝穎 鍾澍佳 總監製；關文深監製、郭建樂編審、2023年討論度爆表嘅熱播台慶劇《新聞女王》，自開播後於香港同內地都熱議不斷，除咗喺優酷累計播放量近10億，微博話題閱讀量亦有近34億，加上抖音累計話題播放量達64億外，七天跨平台總收視平均26.9點，亦成為無綫全年收視總冠軍劇集，單集最高收視更曾錄得28.4點。

Man姐同SNK電視台嘅故事，獲得劇本組別金獎

除咗橫掃收視指數，今年1月舉行嘅《萬千星輝頒獎典禮2023》當中，《新聞女王》亦狂奪8個獎項，包括最佳女主角、最佳女配角、最佳劇集、最佳電視歌曲獎、「大灣區最喜愛TVB女主角」、「大灣區最喜愛TVB劇集」、「馬來西亞最喜愛TV 男主角」，仲有「馬來西亞最喜愛 VB 主角」。「Man姐」佘詩曼更一晚橫掃四獎成為頒獎禮大贏家，亦成為首位獲得《萬千星輝頒獎典禮》三屆「最佳女主角」殊榮嘅女演員。 

至於由羅永賢監製、黃偉強編審嘅劇集《破毒強人》單集最高收視30.1點，亦於紐約電視電影節榮獲「節目執導組別銅獎」殊榮，而由陳豪、蕭正楠、胡定欣、張曦雯等主演嘅《破毒強人》，七天跨平台總收視平均24.7點，成為年度第三高收視劇集，單集最高收視更成為年度單集冠軍，陳豪亦憑呢部劇集相隔16年再奪視帝殊榮。

沙啞聲線嘅陳豪主演《破毒強人》，獲執導組別銅獎

而分別由黎諾懿主持，介紹各區特色大牌檔，分享檔主同食客「人、情、味」故事嘅飲食節目《大牌筵席》，與及深入日本大城小鎮、甚至鄉郊深山，發掘當地各種生活真實面貌嘅《日本18種住法》，兩個節目，就分別獲得「飲食節目組別優異獎」同「生活消閒節目組別優異獎」。

黎諾懿帶領大家深入各區嘅《大牌筵席》，成為飲食節目組別優異獎得主至於Ali同吉吉到日本各處探訪體驗嘅《日本18種住法》，就獲得生活消閒節目組別優異獎

《新聞女王》 「劇本組別金獎」 
《破毒強人》 「節目執導組別銅獎」 
《大牌筵席》 「飲食節目組別優異獎」 
《日本18種住法》 「生活消閒節目組別優異獎」