Archie Hugo將與LOONG 9成員出席見面會 盧冠廷憶偶像張德蘭金曲紅遍酒廊

一個唱片展覽活動邀請咗 冼靖峰 黃奕斌 張德蘭 盧冠廷 孫漢霖 文凱婷 林沚羿 同 蔡愷穎 等擔任嘉賓。而成為LOONG 9成員嘅Archie同Hugo，就預告LOONG 9好快就會舉行香港見面會，12位成員亦會一齊現身同大家見面。佢仲話呢次係出道後首次活動，仲會有唔少驚喜咁話。

日前有消息公佈「聲夢」各成員將齊齊推出單曲黑膠唱片，Archie同Hugo就話覺得非常有紀念價值，更係父母嘅年青戀愛回憶咁話。而Aeren、火雞、Venus同Lolita亦都對歌曲會製成黑膠推出非常興奮呀。

正創作全新黑膠唱片嘅盧冠廷，就指現場展品唔少都係自己偶像嘅作品，而同場嘅張德蘭仲係自己未出道時已經迷上嘅偶像，呢日佢仲回憶當年擔任酒廊歌手嘅故事，力證張德蘭嘅歌曲當年係幾受歡迎呀。