LOONG 9拍手簽名會突宣佈取消 主辦：不可抗力原因

《亞洲超星團》結束後組成男團 LOONG 9 嘅12名成員 奧利 李權哲 冼靖峰 江信熹 梁詩煜 白子奕 文佐匡 黃奕斌 陳梁 張鎬濂 郭殿甲 陳鑫昊，有機構原定於星期日舉辦佢哋成團以來嘅首次全員拍手簽名會，不過星期六凌晨就突然宣佈，因為「不可抗力原因，活動無法如期舉行」，宣佈取消活動，不過未有明確表明原因。

螢幕截圖 2024-04-27 下午12.10.09.png

今次活動係LOONG 9正式出道集訓後首次商場演出，早前宣傳時指活動中成員會以勁歌熱舞展現成果，亦會同Fans觀眾近距離接觸，可惜臨近舉行前突然宣佈取消，雖然聲稱會退票，令滿心期待嘅Fans都於網上表達失望，外地Fans亦因時間倉促而無法退訂機票酒店而大失預算。