吳若希一個月內唔見電話再被偷嘢 祝小偷「食得開心」！

吳若希上月自爆喺灣仔被偷電話後，日前佢再遇小偷，今次唔見咗價值$200嘅栗子，吳若希喺IG公開閉路電視片段，佢指今年條命係咪要keep住畀人偷嘢，今次影到邊個偷，話對方來回兩次先嚟攞走，又指希望幫對方過咗呢個難關，祝小偷「祝你食得開心」。

吳若希上月自爆喺灣仔被偷電話後，日前佢再遇小偷。

吳若希指因出咗個IG story，好多人都好關心，問佢又畀人偷咗啲咩，吳若希今次畀人偷嘅嘢比較特別，就係價值$200嘅栗子，吳若希坦言當日最唔開心嘅原因，「唔係畀人偷嘢，係食唔到自己心心念念嘅栗子」，吳若希又指翌日再叫外賣，食完個栗子之後，佢就原諒咗嗰個人，「正所謂，識英雄重英雄～難得有人同我一樣咁喜歡吃栗子！我已經當自己請佢食啦」。 

今次唔見咗價值$200嘅栗子，吳若希喺IG公開閉路電視片段。

吳若希灣仔失iPhone報咗警，驚見手機定位將軍澳促賊人歸還。