馮德倫Po舒淇舊照打甩跪算盤 夫妻慶祝結婚周年嘴咀閃爆全場

馮德倫(Stephen)日前喺老婆舒淇48歲生日正日，驚喜喺社交平台出土兩張舒淇陳年舊照，搞到老婆大人嬲嬲豬要Stephen返屋企跪算盤，呢日Stephen去到台灣，同舒淇嘅好姐妹林熙蕾(Kelly)一齊出席活動，Stephen以老夫老妻形容自己同舒淇，所以冇特別為老婆慶祝及送禮物，亦沒有特別送上驚喜。講到Post咗舒淇嘅舊照要否返家跪算盤？Stephen笑言：「為什麼要跪？我發的照很漂亮。」

大部分女性都鍾意珠寶，傳媒追問Stephen會否送珠寶給太太做生日禮物時，佢竟然將波交畀Kelly，仲話：「你不是常說你是我老婆的老公嗎？你是老公你來解答一吓。」之後Kelly指：「我這位老公(舒淇)比較容易掉東西，東西放哪都不記得，所以不用送任何東西給她，可以拍個照片傳給她說昰禮物就是了。」Stephen相當認同說法，又指太太是個藝術家，挑選手飾隨心情改變。

Stephen這邊廂揚言老夫老妻唔需要儀式感，事實上佢早就秘密籌劃咗個驚喜派對，慶祝二人結婚八周年，包括鍾鎮濤夫婦、蕭敬騰夫婦、舒淇嘅閨蜜林心如、楊謹華、林熙蕾、許茹芸等都有出席到賀，見兩公婆著住中式禮服，大方喺台上嘴嘴放閃，Stephen仲親自擔任鼓手，邀請蕭敬騰一齊夾band助興，場面溫馨又熱鬧。

得到老公Stephen如此寵愛，舒淇喺IG有感而發寫上多謝老公多年嘅包容同陪伴，感謝老公為佢所做嘅一切，love u，而Stephen就以搞怪貼圖回應話I know，繼續甜蜜閃爆大家。