逆天奇案2丨馮盈盈發現關鍵線索 ! 劉佩玥發功專搞麻煩事「夏悠倩」真正身分揭盅

TVB劇集《逆天奇案2》噚晚（24日）呢集劉佩玥（Moon）強勢回歸，自稱係尤麗胞妹嘅夏悠倩（劉佩玥飾）表現進擊，邀請匡珉（王賢誌飾）為佢打官司，與Hazel （蔣祖曼飾）喺法庭上鬥得難分難解，為咗爭奪巨額遺產，悠倩親自上庭作供， 一字一淚訴說與尤麗失散經過，以及濃情化不開嘅姊妹情，大打人情牌佔盡上風。 

劉佩玥化身「進擊的悠倩」。

悠倩繼續發功，拉攏尤麗死對頭魏兆揚（陳少邦飾）合作， 令兆揚上庭講出對佢有利證供，充滿機心。同時悠倩亦被黑幫追數，揭露出原來佢係一名爛賭鬼，喺柬埔寨欠下周身債，身份相當可疑！另邊廂，身為Big Boss魏子樂（張頴康飾）幕後代理人冠峰（方力申飾）為咗激活 子樂記憶，特意安排子樂與撞樣尤麗嘅悠倩見面，子樂見到悠倩後誤以為對方係尤麗，捉住佢不停嗌老婆。

王賢誌幫手同蔣祖曼大鬥法。03 (6).jpg 劉佩玥為咗爭遺產不擇手段，連尤麗嘅死對頭陳少邦都夠膽拉攏。方力申為咗喚醒張頴康嘅記憶，刻意安排劉佩玥同佢見面。

Moon以新身份「夏悠倩」登場，與上輯「尤麗」感覺完全唔同，完美將悠倩嘅巴渣及爛賭演繹出嚟，令人眼前一亮。Moon受訪時笑言 「悠倩」呢個角色超級好玩：「本身佢係唔跟規矩、唔跟正常邏輯去行事嘅人， 所有嘢係靠小聰明，同埋呢個角色真係好好運，所有嘢都可以化險為夷，呢個以運氣擔當嘅實力派，之後搞出好多麻煩嘅事！」

張頴康繼 續表現瘋癲。悠倩來到香港爭產，被黑幫追數，其於柬埔寨欠下周身債，身份相當可疑！劉佩玥私下原來係爛賭鬼。

Moon演法庭戲一人包攬差唔多約4分半鐘戲份，一邊訴說與尤麗失散經過，一邊淚如雨下。Moon坦言呢場戲好複雜，要令觀眾既相信又懷疑，同時要培養情緒應付喊戲；今晚（25日）播出呢集講悠倩真正身分將會揭盅！原本官司形勢大好嘅悠倩，遭匿名訊息勒索揭露其真正身分，令佢大感緊張；另邊廂，Ana（馮盈盈飾）喺解密文件發現關鍵線索，隨時影響官司嘅走向！究竟悠倩係咪尤麗胞妹？

劉佩玥被神秘人威脅。之後馮盈盈發現關鍵線索。究竟劉佩玥真正身份係咩呢？

《逆天奇案2》逢周一至五晚八點半翡翠台播映