/public/article/images/202404/cab35a65-bc47-4634-87f1-9ff497d3e8e8.jpeg)
堪輿學家 麥玲玲 帶領 胡美貽 同 施焯日 主持嘅《玲玲友情報》，改為逢星期六晚8點喺TVB Plus(82台)播出。今晚(27號)一集主題係「從今開始該好好戀愛」，更邀請到 方力申 做嘉賓。
小方一直以來都被認定花心又多女，不過玲玲師傅就話要為好友平反，力證小方係乖仔一名，佢話︰「因為你靚仔、識運動、單身無結過3、5、7次婚，人哋會覺得你有問題。」佢形容小方嘅思想仍停留喺古代︰「同佢講嗰個(女仔)幾好，你約佢出嚟食飯啦。佢都會拒絕，話驚人誤會。」
玲玲師傅為小方嘅花心形象正式平反
小方直言目前為止，同異性單獨約會食飯次數，唔超過5次，佢解釋因為自細練習游水，拍拖唔敢太張揚︰「驚畀啲家長話你咁細個拍拖，之後由游水跳入行，又要保護形象，一拍嗰個又拍咗咁鬼死多年，根本都無時間約會其他女仔。同埋如果我唔夠鍾意一個人，係唔會開始，分手好煩、好辛苦。」
小方亦大爆自己相對古板嘅感情處理手法原因
小方直言本身唔係浪漫型男士，認為係同家族遺傳有關，因為自己由細到大都冇見過父母手拖手出街：「所以你從來無見過我放閃、唔會影到張相我喺街拖住女朋友呀。」話口未完玲玲師傅即刻叫小方要向Nicole學習，擺明將Nicole近日嘅緋聞擺上台，搞到Nicole唯有尷尬陪笑。
胡美貽嘅緋聞仲被師傅取笑，叫小方跟佢學嘢呀
《玲玲友情報》逢星期六晚 20:00 TVB Plus(82台)
