郭柏姸吸金力十足燃起置業夢 坤嫂適應香港生活節奏急速：不停被人催促咁

吳業坤太太濱口愛子同郭柏姸呢日出席品牌代言活動，愛子最近成為廣告女主角，愛子2022年嫁坤哥來港生活，而家佢識少少廣東話。

被問來香港生活最大分別係咩，愛子即時話香港生活節奏好快，做任何事不停被人催促咁，天氣同日本亦係好唔同。坤哥之前掉低坤嫂自己一個去日本拍MV，但係體貼嘅坤嫂都有喺出發前預先為坤哥慶祝生日，而苦練四年空手道嘅坤哥最近參賽獲得冠軍，雖然坤嫂不在場，但係佢話都有默默為老公打氣。

而忙於拍攝新劇《麻雀樂團》嘅郭柏姸同李佳芯、姜大衞、譚俊彥等一眾好戲之人合作，令佢都感到獲益良多，非常感恩有呢個機會向一班前輩學習，佢仲特別鳴謝譚俊彥嘅提點令佢進步不少。

近年工作多多嘅郭柏姸吸金力十足，更燃起佢嘅置業夢，郭柏姸對未來dream house佈置亦想法多多：「我希望同屋企人住，最好有一個雙門雪櫃放滿零食，仲要有位放相機，因為我好鍾意拍Vlog影相。」