【針灸/中伏/藥物/淘寶/退款/診所/醫師/心緒不寧/學生/態度/中醫】一名女學生在Threads發帖，指日前去做針灸，埋單5,100元，其中800元是藥費，「係個醫師叫我買佢個藥，佢仲話送多盒畀我」，同時送贈一個價值4,800元的豐胸療程。
揭淘寶$20售同款藥物要求退款
然而，事主指離開後發現藥盒上印有簡體字，結果在內地網購平台「淘寶」找到同款藥物只售20元，形容成分和左下角的商標都是一樣，遂發訊息予診所，「佢就答我係畀錯藥，仲話係個醫師心緒不寧」。
事主要求診所職員退款，惟對方指藥物是在本港取得，事主不接受解釋，認為「既然只係包裝唔一樣，個成分都一樣，人哋淘寶賣$20，點解我要畀$800去買」，職員則以老闆患有癌症、醫師因此心緒不寧為由求情。
「我堅持要退錢，而佢哋個態度開始亂嚟，仲錄音講『你係高尚人，咁樣話我呀？』、『我打份工唔係畀你X』、『點解你可以咁樣嘅？』。」
跟老闆理論批態度惡劣
事主指後來直接在WhatsApp跟診所老闆理論，形容對方態度惡劣，要求事主支付豐胸療程的費用，又著她報警，或向消委會或醫管局投訴。對此，事主表示後來已放棄要求對方退款，對方亦提供證據證明藥物是在本港取得，惟她不滿老闆的言辭態度：
「做生意用咁嘅態度對客係咪有問題？原來幫我做療程個醫師都係佢阿媽嚟嘅，個態度真係令到我好唔舒服，話晒我都喺舖頭消費咗成5,000蚊，都唔係一筆細數目呀。再者我自問態度並冇問題，況且我係消費者，作為商家咁嘅態度真係正常咩？」
網民：千年黑店
帖文曝光後，有網民指該款藥物只售約68至80元，並指該診所是廣為人知的黑店，「嗰盒香港註冊中成藥，建議零售價68元」、「不過XXX呢個千年黑店唔係新鮮事，呢一款藥都係某藥廠代理香港有得賣，都係賣緊$80蚊左右！佢用嘅醫料材料全部都係過期嘢，佢哋賣嘅騙術唔係醫術，唔好當佢係中醫！佢哋初初連藥櫃都冇，係唔識開中藥畀人」「做乜唔講吓點解收$5,100咁貴，如果1次根本冇乜可能？」、「中醫呢啲智商稅，下次唔好啦」。
【延伸閱讀】