【昆蟲/天水圍/街坊/黏液/嚴重過敏/離斑棉紅蝽/赤星蝽象/沙田】有網民在Threads發帖，表示日前到樓下放狗，結果發現天水圍洪水橋到處都有一種紅色昆蟲。
事主形容「行幾步路就一堆，畀人踩扁咗就會有新嘅一堆圍住啲屍體，再畀人踩扁就會再多啲圍住啲屍體，無窮無盡，我行條路起碼超過100堆，我即刻抱走（狗）返屋企」。
網民：有毒同好高刺激性
對此，有網民表示見過同類昆蟲，有人指該為「火焰蟲」，分泌液帶有刺激性，「我前日放狗行過，見到即刻夾起隻狗走」、「唔好畀佢爬上身或者掂到狗仔，有毒同埋好高刺激性，爬上腳經過嘅位置會有一條紅色好痕嘅痕」、「街上遇到小心避開就可以，分泌物係防禦機制，沒有極端危機，火焰蟲都不會主動使用，如不小心摸到分泌液，通常以皂水沖洗就可以，狗狗回家後小心正常清潔就OK」、「啱啱喺沙田一收工見成地都係」、「我屋企成地都係，食緊地下啲木棉」、「以前自己做花園，呢啲試過爬上身， 其實爬唔緊要，佢啲黏液接觸到你啲汗液會混合啲化學物質，佢爬過嗰啲位，會一條紅爛咁」。
氣候變化紅蝽提早活躍
前元朗區議員陳樹暉曾表示，經了解紅蝽在香港不算害蟲，以吸食植物汁液維生，不會主動攻擊人類。紅蝽原本是在7至8月才開始出來，估計因氣候變化，令昆蟲提早活躍起來，並提醒：「穩陣起見，不要亂碰這些昆蟲，更不要拍死牠，因為其蟲液有機會造成皮膚灼傷。不過都係嗰句，你唔搞佢、佢唔搞你，大家不用擔心，相信牠們出現在牆身，也會很快因沒食物而餓死。」
食環署：接觸紅蝽黏液應立即清洗
食環署曾指出，離斑棉紅蝽或赤星蝽象主要被視為農作物的害蟲，但未有證據顯示有礙公眾衛生，建議市民如不慎接觸到紅蝽的黏液，應立即用水清洗；敏感性皮膚或身體健康狀況較差的人士若接觸到黏液，會有機會出現嚴重過敏反應，應立即求醫。
【延伸閱讀】
天氣熱曱甴出沒廚房成重災區 港男$15淘滅蟲神器專家都推介 4款滅蟑用品比併用錯越殺越多