【迷暈黨/元朗/普通話/動作/手腳無力/倒卧街頭/特徵】一名女網民在Threads發文，表示自己上月29日晚上約6時45分、在元朗步行回家途中手持一底雞蛋仔，途經元朗民政事務處外面的行人路時，有一名操普通話的女士問她「附近有冇嘢食」。
事主形容該女子當時「掂住我手臂」，「我同佢講完附近有咩嘢食之後，佢問我可唔可以帶佢去餐廳幫佢埋單，當時已經覺得唔對路，而且佢戴住1條名牌頸鏈，我心諗咁有錢應該都唔會冇錢食飯，所以同佢講我冇錢拒絕咗佢，跟住我就急急腳走咗」。
手腳無力險倒卧街頭
事主解釋當時「見佢係女人同埋都幾有禮貌，以為只係熱情少少」，才會回應對方。然而她稱數分鐘後，她開始感到手腳無力，「個人好瘟瘟沌沌咁」，幸她很快就回到家中，惟她形容「平時唔會一返屋企就瞓到人哋叫先醒到，嗰日就係咁」。對此，她直言現在回想都覺得恐怖，遂發文提醒其他街坊和網民：
「如果當初跟咗佢去餐廳，可能我而家就唔喺屋企了。所以各位出門在外一定要小心！提高警覺！勁驚，以後真係要戴口罩+防狼器/噴霧出街，以後遇到人問路都唔知幫唔幫好了」。」
網民：物質經皮膚吸收
帖文曝光後，有網民質疑該女子是想透過皮膚接觸讓事主吸收迷暈藥，亦有人分享自己的經歷，「有晚放工元廣落車行去M記途中，有一男一女行埋嚟，我已經彈開9尺」、「我噚日都撞到個女人叫我請佢食飯，不過佢好似冇掂住我，最後我去咗隔籬7-11買咗個包同水畀佢就走咗」、「我都試過喺元朗畀個有口音嘅女人問我可唔可以請佢食飯，我仲以為問路打咗個突，然後頭也不回」、「警世，唔好畀陌生人掂到你，有啲物質可以經皮膚吸收 （迷暈藥）、「嗰個時間喺嗰邊好靜，所以佢先喺嗰度落手」。
【延伸閱讀】
騙案注意 | 馬鞍山疑現騙錢黨 內地男女檔出沒 專向一類人下手 疑多區搵食