有食客在facebook專頁發文，以「點心籠好污糟」為題，指某酒樓點心竹籠除了有少許霉漬，上面還黐了不少米飯，而邊緣外側則圍了一圈不明的「黑色黏狀物質」，就連內側也沾上了少許，至於籠內點心則未見異樣。
網民都高呼「好核突」、「發霉籠」，紛紛表示竹籠不衛生，「見到已經想嘔，點食得落啲點心啊！」、「雖然唔係食個籠，但睇到都驚嘢食唔衛生啦」。
有人就指酒樓一般很少清洗竹籠，「唔係冇洗，係好耐冇洗」、「話說：有個friend去酒樓做暑期工，蒸籠係唔會洗的，佢就係一早返去將啲蒸籠攞去蒸消毒，一筒一筒咁蒸」。
另有網民就打趣地反諷，「黑椒嚟啫，粒蝦餃唔夠味咪點下囉」、「美味的秘訣已經被你發現了」、「上手荷葉飯」。