【網絡熱話/搵工/自僱/失業/搵工/裁員】「出租大叔」係日本新興行業，不涉色情，主要是安慰日本OL及現代女性空虛心靈，估唔到這個新興行業在澳門出現，近日在Instagram出現「時鐘叔叔」，一位80後大叔以時租澳幣80元推出「陪伴體驗」，專門陪食飯、唱K、慶生、傾心事甚至幫手搬屋，強調純社交，無任何身體接觸。呢個陪伴體驗都幾抵玩，香港人去澳門玩不如call個叔叔出嚟帶路深度遊澳門？
另類自僱？80後投身做出租大叔
澳門最近出現一位80後「時鐘叔叔」（Macau Uncle），公開在Threads發售「陪伴體驗」，即時成為全城熱話！叔叔主打外表乾淨、舉止得體，標榜「不帶批判，只有陪伴」，仲明確保證純社交、絕對零身體接觸，專為想有人陪但唔想尷尬嘅人提供服務。
大叔強調接Job有三大鐡律，分別是嚴禁身體接觸、要求在公共場所會面（不接受私人住宅或酒店）、客人不須以真名預約。
時鐘叔叔可以陪你做乜？
🔸 唱K神隊友：負責聽歌拍掌、幫手和音，絕不搶咪！
🔸 專屬慶生：陪你吹蠟燭、切蛋糕、影靚相，製造開心回憶。
🔸 心靈樹洞：聽你呻老細、傾感情煩惱，內容絕對保密。
🔸 打機打牌湊人數：Switch、麻雀、桌遊，隨時幫手湊夠人。
🔸 飯局隨行：想去人氣餐廳又驚一個人尷尬？叔叔陪你食得開心。
🔸 額外服務：使用你的想像力，主動問下叔叔肯唔肯接單。例如搬屋、清潔家居、整水喉、凑仔？
時鐘叔叔收費詳情
- 單人體驗價：首小時 $50 澳幣
- 單人正價：$80 澳幣 / 小時（最少租 2 小時起）
- 三人內同行：每多一位朋友，每小時加 $20 澳幣
- 福利：買10送一福利 ＋ 轉介朋友參送1小時服務
【延伸閱讀】
裁員潮｜政府2萬元再就業津貼試行計劃 鼓勵40+歲人士失業後再就業/即睇申請資格＋方法
年薪近百萬筍工｜錢大媽屯門店聘豬肉分割師 月薪高達8萬 學歷不限 每日獨立劏2-3頭豬你頂唔頂到？
筍工｜前AV女優浜崎真緒請Threads小編 月薪4萬 WFH＋全亞洲招募 即睇申請方法
九龍殯儀館請接待員｜中三可申請 月薪最高$30,000 即睇工作性質、申請方法