【2026年鬼節/農曆七月/盂蘭節】仲有2個星期左右，就踏入農曆七月鬼月，鬼門未開，但已出現令人心寒嘅天文巧合！2026年8月13日（農曆七月初一）鬼門開的日子竟然同日全食「撞正」，而且這人個鬼月撞日全食會喺2027年農曆七月再出現一次！台灣知名命理師柯柏成警告，連續兩年「鬼門開撞日全食」適逢丙午、丁未「赤馬紅羊劫」，象徵陰氣大盛、亂象頻生。即睇命理師拆解呢個凶兆背後嘅玄學含意同鬼月4大禁忌！
2026/2027年鬼節日撞正全食
近年天文與玄學界備受關注嘅現象，莫過於農曆七月鬼節期間出現日全食。兩年嘅具體日子如下：
2026年鬼月日全食：
- 鬼門開日期：2026年8月13日（星期四，農曆七月初一），民間習俗於前一晚8月12日深夜11點（子時）正式開啟。
- 日全食時間：2026年8月12日晚間11時34分至8月13日凌晨3時58分。
- 特點：日全食過程完美橫跨鬼門開嘅子時交界，形成「晦夜、陰門、日蔽」三象重疊。
2027年鬼月日全食：
- 鬼門開日期：2027年8月2日（星期一，農曆七月初一）。
- 特點：日全食再度準時喺鬼門開當日發生，形成罕見嘅「連續兩年鬼節撞日全食」現象。
鬼節 x 日全食 x 赤馬紅羊劫係咪特別邪？
- 以為一年已經夠誇張？出年 2027年8月2日（星期一）（農曆七月初一），日全食竟然再度「準時」喺鬼門開當日發生！
- 連續兩年鬼節正日都撞正日全食，加上2026年係丙午年、2027年係丁未年，喺傳統命理上正正係俗稱嘅 「赤馬紅羊劫」。歷史上「赤馬紅羊」之年往往動盪不安、事端多多，連命理師都形容呢個巧合程度簡直「似足劇本安排好晒」。
當日食遇上鬼門開，柯柏成指民俗上自然被演繹成陰氣轉盛、幽明交界、人心不安之時。 不過柯柏成並不認為是「大凶日」、「末日」或是「陰氣大開」的日子。但認同會影響人們心理不安，不要過分解讀就好！
鬼月歐美中東大動蕩
- 柯柏成指，2026年日全食路徑橫跨格陵蘭、冰島與西班牙；2027年則經過西班牙、埃及與沙烏地阿拉伯等地，象徵歐美與中東未來地緣政治或持續動盪。
- 而因為經度問題，香港睇唔到呢兩次日全食，衝擊未必直接落在本地，但作為國際金融城市，仍須留意全球局勢變化帶嚟嘅間接影響。
命理師提醒最緊要收歛!
柏成提醒大家最緊要 「收斂」，喺鬼門開的日子（2026年8月12日晚間至8月13日凌晨），記住實行 「四少四多」 原則：
- 少外出、少爭執、少妄言、少涉險
- 多靜心、多祈安、多祭祖、多行善
鬼月4大禁忌：
- 避免前往陰氣重嘅地方：唔好去荒郊野外、水邊、陰廟、廢墟、醫院或殯儀館附近逗留。
- 切勿盲目挑釁或不敬：千祈唔好玩試膽、招靈、碟仙或直播探險，亦唔好口出侮辱鬼神嘅說話。
- 暫緩深夜重大決定：鬼月深夜容易心浮氣躁，切忌喺半夜做重大而衝動嘅決定。
- 安定心神、修德祈安：可以簡單清潔環境、點燈、焚香、誦經祈安，或透過捐款做公益布施來積福。
【延伸閱讀】
泰國神算Plai師傅又中？菲律賓7.8強震引發多國海嘯警報 年初預言JIPT四國高危，一次中晒？
泰國神算Plai師傅2026下半年恐怖預言 亞洲一島國將爆發戰爭 大量軍艦包圍 龍甦醒引發亞洲地震
蘇民峰師傅2026馬年風水貼士｜地氈開運法：避是非/防破財/化爭鬥/旺升職/催財旺桃花